ပြတင်းပေါက်

တစ်ခါကဆေးရုံကြီးတစ်ရုံရှိ လူနာခန်းကျဉ်းလေးတစ်ခုထဲမှာလူနှစ်ယောက်ရှိကြတယ်။
နှစ်ယောက်လုံးပင် ရောဂါသည်းသော လူနာများဖြစ်သည်။

အခန်းလေးကကျဉ်းပြီးအပြင်လောကကိုကြည့်စရာ ပြတင်းပေါက်တစ်ခုသာပါသည်။
လူနာနှစ်ယောက်အနက် တစ်ယောက်ကနေ့လယ်ပိုင်းတွင်သူ့အဆုပ်ထဲကအရည်တွေ ပိုက်နှင့်စုပ်ထုတ်ရတာ ကိုအကြောင်းပြု့ပြီး တစ်နာရီခန့်ထိုင်ခွင့်ရသည်။

သူ့ခုတင်ကပြတင်းပေါက်အနီးတွင်ရှိနေသည်။ တစ်ဖက်ခုတင်ရှိ လူနာကတော့ တစ်ချိန်လုံးပက်လက်လှန်ကာစန့်စန့်ကြီးလှဲနေရသည်။

နေ့လယ်ခင်းတိုင်း ပြတင်းပေါက်အနီးရှိ လူနာက ခုတင်မှာခေါင်းအုံးတွေဘာတွေ ဆင့်ကာကျောမှီထိုင်ခွင့်ရတဲ့အချိန် အပြင်ဘက်ဆီက သူလှမ်းမြင်ရသည့် အရာတွေကိုအနီးရှိလူအားပြောပြလေ့ရှိသည်။


ပြတင်းပေါက်ကလှမ်းကြည့်လျှင်အပြင်မှာ ပန်းခြံကြီးတစ်ခုမြင်ရသည်ဟု ဆိုသည်။
အဲသည်အထဲမှာ ဘဲတွေငန်းတွေရေကူးနေသည်။ ကလေးများကသူတို့ကိုပေါင်မုန့်တွေပစ်ကျွေးကြသည်။ ကလေးအချို့က လှေကလေးတွေမျှောနေကြသည်။

ချစ်သူစုံတွဲတွေ သစ်ပင်ကြီးများအောက် လက်ချင်းတွဲပြီးလမ်းလျှောက်နေကြသည်။ ပန်းတွေကဝေေ၀ဆာဆာ ပွင့်နေသည်။

မြက်ခင်းစိမ်းစိမ်းကအပြန့်ကျယ်လှသည်။ အဲသည်မှာဘောလုံးပျော့(soft ball) ကစားနေကြ
သူတွေလည်းမြင်ရသည်။
ဟိုးအဝေးဆီကသစ်ပင်တွေထိပ်ဖျားမှထိုးထွက်နေသည့်တိုက်တာအိမ်ရာများ။
ထိုနောက်ပြာလဲ့သောမိုးကောင်းကင်။

ပက်လက်လှန်နေရသောသူသည် တစ်ဖက်လူခရေစေ့တွင်းကျပြောပြသမျှကို နားစွင့်ကာကိုယ် တိုင်ကြည့်ရလောက်အောင် အရသာတွေ့လျှက်ရှိသည်။ ကလေးတစ်ယောက် ရေထဲလိမ့်ကျတော့မလို ဖြစ်သွားတာ၊နွေရာသီဝတ်စုံသစ်တွေနှင့်မိန်းကလေးတွေအရမ်းလှပနေကြတာစသဖြင့် အပြင်လောကမှာ ဖြစ်ပျက်နေပုံအလုံးစုံကို သူ့အာရုံထဲ အသေးစိတ်မြင်ခွင့်ရနေသည်။

သည်လိုနေရင်းသာယာသောနေ့လယ်ခင်းတစ်ခုမှာသူ့ခေါင်းထဲအတွေးတစ်ခုဝင်လာသည်။
တစ်ဖက်လူကတော့ ပြတင်းပေါက်နားမှာနေပြီးအပြင် လောကရှုခင်းအစုံကို စိတ်တိုင်းကျကြည့်ခွင့်ရနေသည်။ မိမိကိုတော့ဘာကြောင့် အဲသည်နားထားမပေးသလဲဟူသော အတွေးဖြစ်သည်။

သည်လို သေးသေးသိမ်သိမ်တွေးမိခြင်းအတွက်လည်း သူရှက်တော့ရှက်မိသည်။ သို့သော်သည်အတွေး ကို ဖျောက်နေသည့်ကြားကပင် နေရာချင်းလဲချင်စိတ်က ပြင်းပြသထက်ပြင်းပြလာသည်။ ဘယ်နည်းနဲ့ဖြစ်ဖြစ်လဲရမှ ဖြစ်မယ်ဆိုတာမျိုးအထိ သူတွေးမိလာသည်။

တစ်ညမှာတော့ သူမျက်နှာကြက်ကို ငေးကြည့်နေစဉ် တစ်ဖက်လူရုတ်တရက်နိုးလာကာ ချောင်းဆိုးသည်။ သူနာပြုဆရာမကိုအရေးပေါ်ခေါ်သည့် အချက်ပေးခလုတ်ကိုနှပ်ရန် လက်ကစမ်းတ၀ါးဝါးလိုက်ရှာသည် သို့သော်သူ မလှုပ်ရှား။

တစ်ဖက်လူ အသက်ရှူသံရပ်သွားသည်အထိ ငြိမ်ပြီးစောင့်ကြည့်နေသည်။ နောက်နေ့မနက်မှာ သူနာပြုဆရာမကတစ်ဖက်လူ သေဆုံးနေကြောင်း တွေ့ရှိကာ အလောင်းကိုတစ်ဆိတ်စွာပင်
သယ်ယူသွားသည်။

ထို့နောက်ကျန်ရစ်သူကသူ့အားပြတင်းပေါက်အနီးရှိ ခုတင်သို့ပြောင်းပေးနိုင်မလားမေးသည်။ သို့နှင့်
ပြောင်းပေးကြသည် သက်သောင့်သက်သာ အရှိဆုံးဖြစ်အောင်နေရာချပေးသည်။ သပ်သပ်ရပ်ရပ်ပြင်ဆင်ထား သိုပေးသည်။

သူနာပြုတွေထွက်သွားသည်နှင့် တစ်ပြိုင်နက် တံတောင်တစ်ဖက်ပေါ်တွင် အားပြုကာ သူကြိုးစားထသည်။ နာကျင်မှုဝေဒနာကို ကျိတ်မှိတ်ခံကာ သူ့ကိုယ်သူခဲယဉ်းပင်ပန်းစွာထူမပြီး ပြတင်းပေါက်မှ အပြင်သို့လှမ်းကြည့်သည်။

အပြင်မှ နံရံတံတိုင်းတစ်ခုသာသူ မြင်ရလေသည်။

( မူရင်း။ ။ အမည်မသိစာရေးသူ၏ "The Window" )
ဆရာဖေမြင့်၏ နှလုံးသားအာဟာရ မှ မဖတ်ရသေးသောသူငယ်ချင်းများအတွက် တင်လိုက်တာပါ။